Kir yuvish mashinasi suv olmayapti: nimani tekshirish kerak

Dastur ishga tushdi, lekin barabanga suv kelmayapti yoki ingichka oqib turibdi, bir necha daqiqadan keyin esa mashina xato chiqaradi. Deyarli har doim sababi oddiy.

Shlanglarni yechishdan oldin mashinani tarmoqdan uzing.

1. Kran yopiq yoki suv yo'q

Mashinaga suv beradigan kran ochiqligini va xonadonda suv borligini tekshiring. Bosim past bo'lsa (yuqori qavatlar, kechki soatlar) ham xalaqit beradi: mashina belgilangan vaqtni kutadi-da, to'xtaydi.

2. Suv kiritish shlangi bukilgan

Mashina surilganda orqadagi shlang bukilib qolgan bo'lishi mumkin. Uni to'g'rilang.

3. Kirishdagi filtr-to'r tiqilgan

Suv kiritish shlangi mashinaga ulanadigan joyda kichik to'r bor. Toshkent suvida ohak va qum ko'p, to'r tez tiqiladi.

1. Kranni yoping.
2. Shlangni mashinaning orqa devoridan burab oling (idish qo'ying).
3. To'rni ombir bilan chiqarib, oqar suv ostida yuving.
4. Joyiga qo'yib, shlangni mahkam burang.

4. Eshik yopilmagan

Lyuk qulfi «chiq» etib yopilmasa, mashina suv olishni boshlamaydi. Eshikni oxirigacha yoping; qulf belgisi yonmasa — qulf (UBL) buzilgan.

5. Suv kiritish klapani yoki suv sathi datchigi

Kran ochiq, to'r toza-yu, suv kelmasa — katta ehtimol bilan elektromagnit klapan buzilgan. Suv to'xtovsiz kelaversa — suv sathi datchigi (pressostat) nosoz bo'lishi mumkin. Ikkala holat ham — ustaning ishi.

Qachon ustani chaqirish kerak

Kran, shlang va to'rni tekshirgandan keyin ham suv kelmasa yoki aksincha, to'xtovsiz oqsa — ustani chaqiring. To'xtovsiz suv olish xavfli: qo'shnilarni suv bosishi mumkin.

Almashtirish kerak bo'lsa